قصيدة 0 يا حسين 0 يا حسين

بسم الله الرحمان الرحيم
السلام عليكم ورحمة الله وبركاته ...

شعر شعبي عراقي

شعر 0 أسعد السواد

الى سيد الاسياد وسيد الشهداء
الامام الحسين ( عليه السلام )
ـــــــــــــــــــــــــــــــــــــــــ

ياحسين ياحسين
ــــــ

حزن ودمع ياسيدي
والاه بينه مولعه
والليل صرخات والم
والناس كلها موجعه
تلطم على زين البشر
لحسين صعبه انودعه
لحسين كل وجهه بدر
وللناس رحمه ومشفعه
حتى السما دثة نده
تبجي على زين الرعه
حتى الشمس مابيّنت
صعبه الحزن ما اوجعه
حتى الورد غصنه هدل
غاض الورد من مدمعه
حتى الحمام اعلى الكبب
مهظوم وبعشه انطوه
رفة جنح اتبضعه
حتى الجرف لم النهر
غاض النهر من منبعه
غاض الابو هاج الولد
والام تنوح مفرعه
يحسين ياحامي الحمه
ابن الشريفه فاطمه
هذا الذي كلبه سمح
وهذا الذي كفه وعه
يحسين ياعالي الهمم
غيره واصاله مرجعه
جرت ملايين البشر
لعيونك التضوي سعه
كلها تنادي ياحسين
وفوكـ الراس حفنة طين
ياحسين ياحسين
ياحسين ياامين
ياحسين نصر الدين
جينه نردلك من الدين
امن الهند وامن الصين
وكل العالم الطيبين
يا حسين يا حسين
ياسيدنا ونور العين
عز البشر واشرف بشر
خلف رجال اعلى الصبر
بيمانه والسيف امطبعه
هذا الحسين المايذل
وسيدنا عباس الوفي
مااشجعه
ما نزّل الراس البشر
ولاهدلت الجربه ونكس
للله راسه امودعه
ياسيدي نبقى الك
ونموت موتات الطفه
ياهو الذي حظه عدل
ويموت بسمك والصفه
هذا الموت ما اروعه
يا حسين يا حسين
********************
اسعد السواد

تحياتي*&عاشق*&الظلام*&