حنان وأمومة رائعة

السلام عليكم ورحمة الله وبركاته
أمي ويخضر الزمان الجاف في عز الهجير
وتصير هالدنيا شعر وانتي الوزن والقافيه
أمي ويخجل كوننا من كثر ماقلبك كبير
أمي وتخجل شمسنا من كثر ما أنتي دافيه
ياميمتي ياغيمتي ياماليه عروقي عبير
من يروي عروق البشر لو هي سمانا صافيه؟
والعمر يصبح أغنية والروح,تتسامى.تطير
لامن مطر صوتك هما : الله يعطيك العافيه
وشلون اخاف من العطش مادام دعواتك غدير
وشلون اخاف من الفقر وأنتي الثياب الضافيه ؟
نور وقمر روح وجسد , صوت وصدى عش ٍ وطير
عطرك ملا الدنيا عطر حتى السنين اللافيه
إنتي جزيرة آمنه والكون ذا بحرٍ غزير
في ساحل يديك ارتمي والقي همومي غافيه
لو هـ القصيدة إنتهت لو كان هـ البيت الأخير
حبك ترى طول العمر ما ينتهي يا وافيه
من كلمات الشاعر : محمد عمر القايدي