((( تــــحـــــب غــــيـــــري )))

تناديني باسم ثانـي وتحلـف زلـة بلسانـي

وقلبي يحضن كذوبك عمـاه الحـب صدقنـي
أحس إني غريبة عنك وقلبك هاجَر أوطانـي

يا خوفي يصدق إحساسي وألاقي الحب ظالمني
أتوه بحيرة أفكاري وأضيع بغربـة أحزانـي

أدوّر في الملأ عيونك أناظرها وتصـد عنـي
أناديك بشقا همـي تـروح بعيـد وتنسانـي

وأقول بداخلي اصبـر يـا قلبـي لا لوعنـي
والين أقبلت مثل الحلـم أقـول الله يهوانـي

واسلي نفسي بأوهام إهي بالتالـي تخدعنـي
أشوفك سـارح بفكـرك بعيـد بعالـمٍ ثانـي

وقلبـي حايـر بأمـرك واحساسـه يعذبنـي
أنا من كثر ما احبك رسمت الكذبـة بألوانـي

قدرت أكذب على نفسي وخاب اليوم بك ظني
حبيبي انت تحب غيري تفضل روح واجفاني

عرفت اليـوم مقـداري كفايـا لا تعشمنـي
ولا في داعي تشرح لي وتحلف زلة بلسانـي

خلاص ارحل لها أرجوك .. لا توقف تطالعني


وسلااامتكم ؟؟